戀戰沖繩 OKINAWA RENDEZ-VOUS(9)

宣傳攻勢 ~~繼續......

王菲唔愛嫩薑愛老薑 ?!(3 周刊電影專題介紹)

王菲果然夠飄忽，在感情路上更係「扭高手」，繼同前任老公攪過一段轟轟烈烈的三角戀 ，而家又公開十指緊扣的姐弟戀，本以為佢會修心養性、落葉歸根，點知今勻去一去沖繩，突然360度品味大扭轉，又轉鍾意番D成熟型男士，莫非試過花靚仔，發現都係「中年男人」合心水些，有哥哥同影帝出馬，看來D靚仔都要行埋一邊。

先係第一男主角梁家輝出現，佢同阿菲海邊相遇，
菲本來都不以為然，冇諗住睬佢

點知家輝就再約佢海邊等，並在黃昏下互訴心聲，希望迷倒阿菲。

然呢果招駛得，阿菲終於肯同佢撐腳，二人燭光晚餐。

估唔到家輝短短時間，就愛得阿菲咁深，為佢「爬燈柱、跌落街」都肯。

不過第二男主張國榮終於都現身，其實哥哥先係阿菲背後真正男人，
話晒大家都係天王天后級人馬。

都話哥哥唔係人咁品，邊個同佢爭女都係冇好結果，究竟家輝下場會係點呢？

劇情簡介: 　　
王菲係黑幫頭子加藤雅也之女人，因情變而撻一大筆錢走佬。在繩佢遇上休班刑警梁家輝同大賊張國榮，三個人發生了複雜的情感糾葛。家輝更加為了阿菲放棄女友黎姿，點知王菲舊愛加藤雅也亦趕到，又鍾意黎姿……。