21-01-01 王菲夜訪霆鋒寓所甜蜜蜜
《第二十三屆十大中文金曲頒獎禮》前晚在紅館舉行，當晚王菲威風八面，奪得6個獎項，迎頭趕上，成為「傳媒大獎」得獎人馬。
港台咁好關照，王菲卻冇盡力回報，眾歌手上台祝酒時，王菲連影都唔見，慶功宴時更玩失蹤，據大會方面表示，王菲一早已經知會佢地，表示身體不適，要提早離開。
然而，男友霆鋒就好畀面，同其他歌手一齊慶功，而且玩得好high，直頭連女友果份都玩埋。呢對小情侶本來各有各玩，睇怕都唔會有事發生，但原來兩人一早夾定計出蠱惑。可惜人算不如天算，兩人原本以為神不知鬼不覺的行動，竟被某傳媒撞到正。不過王菲並冇發老脾，一改以往面黑作風，笑面對記者。
報導指王菲在前晚凌晨三時許，直踩霆鋒半山寓所。途中，王菲發覺有記者尾隨，但並冇黑夜飛車以圖賣甩記者，到達霆鋒寓所門前，王菲雖冇回答記者問題，但神情寬容，直上霆鋒寓所。
hkcyber.com
