01/01 菲 新 聞 號 外 (6)~~好歌有好報，正！
近日小新聽到最多行內人談論商台「叱咤」頒獎禮中是誰叫俞琤「收皮」？有fans竟當眾話學友老啦，唔好同後生仔爭獎！有人說講得好，因為俞小姐當時偉論實令人「驚喜」，有人謂如果他是學友就唔去領獎，冇必要玩這遊戲。
樂壇頒獎禮每年有四個，各有自己一套機制，有人愛皆大歡喜；有人玩「電台品味」；有人玩「多勞多得」；但總不明白點解已獎項多多仍搞到「分贓唔勻」咁多爭議。不如走回昔日的金唱片頒獎禮，總之每張唱片銷量夠一定數就有獎，應該最合理，歌迷用真金白銀買你的唱片就是受歡迎的最佳證明！
小新好奇真想知劉德華、郭富城、陳慧琳、鄭秀文呢啲歌星同商台有何恩怨。打聽之下，原來是無甚麼大問題，得獎者除了同商業利益有關外，據說愈多fans的反而愈少機會贏「叱咤」大獎，因為無特別。「叱咤」頒獎禮傳遞給人的感覺要玩另類，刻意製造爆冷賽果，造成這現象的亦與該台的DJ，話事人的作風有關，他們自命最in（前衛）一群，播歌不愛傳統流行情歌，覺得劉德華、郭富城的歌老土，DJ鍾情的人和歌都是另類，前衛，所以霆鋒、王菲不受影響。但細想想，學友的人和歌都屬傳統，點解又有獎？難怪這頒獎禮特別惹是非。不過看城城、華仔等的樂壇反應亦開始採取放棄的態度，講明了遊戲不再吸引他們。
算了，不想再花精神分析，都是一場遊戲。有人說樂壇腐敗到歌手識唔識唱歌唔緊要，公關做得好就掂，許多獎是講數講回來的似乎不假，相比起來電影金像獎實在公信力多些，經首輪全行投票再有第二輪評審投票，無得講數，有本事你就影響全行人投票。若頒獎禮變成控制雙方的「武器」，對樂壇根本起不到正面影響。小新都覺得學友提出的「好歌有好報！」理論最「正」！
文匯報