王 菲 跟 霆 鋒 雖 然 愈 愛 愈 癡 纏 ， 但 工 作 上 兩 人 是 劃 清 界 線 。

自 王 菲 令 EMI 虧 蝕 3 千 萬 消 息 傳 出 後 ， 王 菲 身 價 已 不 復 當 年 勇 ， 就 連 與 她 洽 談 傾 新 約 的 唱 片 公 司 亦 寥 寥 可 數 。 據 知 曾 與 她 秘 密 斟 談 過 的 就 只 有 BMG ， BMG 見 王 菲 身 價 大 不 如 前 ， 便 壓 價 50 ％ ， 望 與 EMI 合 併 前 邀 得 王 菲 作 籌 碼 ， 增 加 其 聲 勢 。 而 王 菲 經 理 人 陳 家 瑛 卻 三 緘 其 口 ， 不 肯 透 露 內 情 ， 只 說 ： 「 阿 菲 同 EMI 還 有 年 多 的 約 ， 現 在 說 續 約 還 是 言 之 過 早 ！ 」
而 一 直 盛 傳 搵 霆 鋒 做 中 間 人 ， 拉 攏 王 菲 加 入 英 皇 ， 據 英 皇 內 部 人 士 透 露 ， 從 沒 經 霆 鋒 或 任 何 人 關 係 接 觸 過 王 菲 ， 因 為 就 算 以 3 千 萬 簽 王 菲 ， 目 前 來 說 仍 不 算 筍 價 ， 且 現 在 英 皇 已 上 市 ， 業 績 要 向 股 東 交 代 ， 更 不 能 貿 然 動 用 大 筆 資 金 簽 王 菲 ， 況 且 英 皇 內 仍 有 一 大 堆 甚 有 「 潛 質 」 的 女 歌 星 未 出 爐 ， 楊 老 闆 根 本 唔 憂 冇 女 歌 手 ， 所 謂 密 食 當 三 番 ， 山 大 斬 埋 有 柴 嘛 ！
對 於 霆 鋒 引 薦 阿 菲 入 英 皇 一 事 ， 王 菲 經 理 人 陳 家 瑛 怒 斥 ： 「 都 唔 知 邊 個 傳 咁 出 ， 我 知 ！ 因 為 霆 鋒 （ 關 係 ） 先 傳 阿 菲 去 英 皇 ， 但 佢 做 係 分 開 ， 你 知 道 咩 叫 『 同 食 飯 ， 各 自 修 行 』 嘛 ？ 阿 菲 完 全 冇 接 觸 過 英 皇 ， 亦 唔 會 搵 佢 傾 。 」

陳 家 瑛 表 示 從 未 跟 英 皇 洽 談 阿 菲 過 檔 事 宜 。 97 年 ， 阿 菲 以 6 千 萬 簽 約 EMI ， 轉 會 費 是 眾 歌 星 之 冠 。

忽然一周 . 17-02-01 出版