17-04-00 嘉玲君如借霆鋒玩謝阿菲

昨晚《金像獎》盛會找來王菲、劉嘉玲與吳君如這個老友組合，頒發《最佳男主角獎》，嘉玲及君如見面仿如兩隻開籠雀，談及影帝的提名人選，王菲有感而發：「應該俾多些機會新人參與！」君如立刻食住上，笑阿菲：「你現在亦提拔緊一個新人呀！」此語一出，王菲笑到見牙唔見眼，不過當然扮聽不到，於是君如又再重複：「你都提拔一個！」王菲沒有回答君如。

嘉玲與君如在台上拿「王鋒戀」來大開玩笑，王菲也忍俊不禁。

阿菲在記者面前拒談與霆鋒關係，但嘉玲及君如恃著與王菲友好，就肆無忌憚暢所欲言。

嘉玲見狀，醒目地回答君如：「你講霆鋒呀？佢得19歲，大把機會，他要乜都得。」阿菲插口：「咁又唔得！」君如聽罷興奮地叫，更指著台下的謝賢：「唉！謝賢你笑得好開心喎！係咪有呢個新抱好開心呀？」全場立即起哄，王菲雖然被玩，但亦一樣忍俊不禁。

圖左：如果霆鋒身邊頒獎嘉賓變了王菲，這個場面一定好看多了。圖右：一聽到王菲是他的新抱時，謝賢即笑不攏嘴，看來他對這個「未來新抱」非常滿意。

嘉玲與君如見阿菲一臉尷尬，立即揭曉名單為她打圓場，誰知兩人看完得獎名單後又忍不住繼續玩，嘉玲說：「陳可辛拎獎好不好？」君如回敬一句：「梁朝偉吧！」最後目標又是落在阿菲身上，君如咄咄逼人：「阿菲你一定要講一個！」兩人打眼色偷笑，令阿菲不知如何是好，於是大叫一聲：「快點揭曉，你們都講夠了吧！」於是搶著得獎名單來看，藉此成功解窘。

王菲與學友合唱經典電影歌，這個組合頗新鮮。

<SHOW 8>