謝霆鋒今日異常合作，不單對記者的提問逐一回答，更承認到沖繩島探王菲，以及與王菲透過walkie talkie在文華酒店附近談情，看來霆鋒是想「王鋒戀」戀情浮出水面，起碼對女方是一個尊重。

之前他不認與王菲講walkie talkie，今日記者早有準備TVB周刊，他直認說：「我終於看過，小圖係王菲。」點解之前不認？他答：「我冇唔認，只是未看過唔想講。」唱片公司話相中人係Sugar喎？他指著周刊說：「其中一個是Sugar，呢個係王菲！」是否一眼就看得出王菲？他戲言：「唔係呀！我用放大鏡睇了十個鐘至認得出……」

究竟你們講什麼？霆鋒笑笑口：「講得俾你聽就用大聲公，唔使用walkie talkie啦！」阿菲特登來探你？他窒記者：「唔係！路過撞入文華酒店間房。」阿菲推掉所有工作與童童慶祝母親節之餘，還專登探霆鋒班，可見霆鋒在阿菲心目中很重要，難怪霆鋒公開阿菲的女友地位。不過他都知道用對講機是犯法，因此他保證沒有下次。

至於霆鋒有沒有去沖繩島探阿菲？霆鋒不誇不張答：「我探過谷德昭、車婉婉、梁家輝、張國榮……同埋王菲。」探過王菲又點！大家在日本探老友很平常。