17-05-01 王 菲 肖 像 遭 賤 賣
雖 然 中 國 為 了 加 入 世 貿 而 大 舉 打 擊 翻 版 ， 不 過 野 草 始 終 燒 不 盡 。 最 近 在 香 港 大 街 小 巷 的 街 邊 攤 檔 ， 都 正 在 熱 賣 大 批 翻 版 國 產 Q版 汽 水 風 扇 仔 ， 更 借 用 王 菲 、 郭 富 城 、 謝 霆 鋒 同 陳 慧 琳 的 Mark頭 幫 手 為 風 扇 仔 促 銷 ， 街 邊 價 只 賣 八 蚊 ， 仲 有 價 講 。
夏 日 炎 炎 ， 一 邊 飲 可 樂 ， 一 邊 涼 百 事 風 扇 仔 ， 唔 知 大 家 點 睇 呢 ？ 最 近 在 旺 角 鬧 市 的 街 邊 檔 出 現 大 批 翻 版 國 產 Q版 汽 水 風 扇 仔 ， 售 價 貴 過 汽 水 少 少 ， 「 八 蚊 」 一 罐 。 雖 然 唔 可 以 飲 ， 不 過 就 可 以 伸 縮 出 電 動 風 扇 仔 ， 風 力 十 足 ， 兼 方 便 埋 你 唔 用 嗰 陣 吊 喺 頸 ， 仲 設 想 周 到 將 大 家 鍾 意 的 偶 像 樣 印 埋 罐 面 ， 十 分 搞 嘢 。
翻 版 商 更 偷 嘢 偷 全 套 ， 將 可 樂 同 百 事 等 等 大 公 司 的 代 言 人 跟 單 全 收 兼 複 製 ， 於 是 王 菲 、 城 城 同 樣 是 百 事 代 言 人 ， 王 菲 的 小 情 人 霆 鋒 就 在 「 可 口 可 樂 」 風 扇 上 ； 不 過 翻 版 即 是 翻 版 ， 那 些 風 扇 仔 的 質 素 相 當 差 ， 好 似 城 城 個 Mark頭 就 用 了 兩 張 不 同 時 期 的 廣 告 相 片 拼 合 而 成 ， Kelly的 「 美 年 達 」 Mark頭 就 印 到 Kelly有 四 隻 眼 ， 除 了 肉 酸 兩 個 字 就 真 係 冇 嘢 講 ， 雖 然 Kelly的 小 風 扇 寫 明 有 Radio功 能 ， 但 真 係 好 Sorry， 橫 睇 掂 睇 甚 至 拆 開 來 睇 ， 都 係 聽 唔 到 收 音 機 ！
風 扇 仔 熱 賣 中 ， 連 王 菲 經 理 人 陳 家 瑛 都 知 有 其 事 ， 她 說 ： 「 唉 ！ 我 前 晚 行 廟 街 都 見 呀 ！ 真 係 離 晒 譜 ！ 佢 哋 係 盜 用 了 肖 像 權 ！ 我 會 同 百 事 嗰 邊 商 量 、 反 映 吓 先 ， 再 睇 吓 點 追 究 囉 ！ 香 港 法 律 都 冇 好 嚴 謹 咁 保 護 肖 像 權 呢 回 事 ， 藝 人 係 好 蝕 底 ， 阿 菲 呢 啲 副 產 品 ， 一 街 都 係 ， 成 日 都 有 ， 但 係 都 唔 知 點 追 究 ， 真 係 冇 佢 符 ！ 」 至 於 百 事 的 發 言 人 Fion則 表 示 ： 「 我 哋 已 搜 集 了 一 批 證 據 ， 已 知 道 有 幾 種 不 同 的 盜 版 商 品 ， 現 在 正 跟 法 律 顧 問 研 究 怎 樣 追 究 ？ 」 而 可 口 可 樂 方 面 的 發 言 人 徐 小 姐 ， 亦 斬 釘 截 鐵 地 表 示 ， 香 港 的 可 口 可 樂 公 司 肯 定 沒 有 銷 售 這 類 產 品 ， 而 大 陸 方 面 正 在 調 查 有 沒 有 這 種 產 品 發 售 ， 不 過 他 們 會 追 究 一 切 法 律 責 任 。
星島日報
