王 菲 在 日 劇 《 弄 假 成 真 》 中 有 不 少 新 嘗 試 ， 其 中 最 令 人 感 興 趣 是 ， 阿 菲 會 以 「 千 面 女 郎 」 姿 態 出 現 ， 十 二 集 中 ， 戲 服 多 達 一 百 二 十 套 ， 平 均 每 集 都 穿 上 十 套 衫 ， 服 裝 費 高 達 二 千 萬 日 圓 。

而 負 責 阿 菲 的 時 裝 設 計 師 ， 乃 是 具 四 十 九 年 從 事 電 影 服 裝 設 計 經 驗 的 名 師 宮 本 Masa 江 ， 還 有 笑 言 要 阿 菲 付 出 六 卡 鑽 戒 價 錢 作 酬 勞 的 張 叔 平 ， 不 過 阿 菲 與 張 叔 平 分 屬 老 友 ， 故 今 次 張 叔 平 肯 友 情 義 助 ， 分 文 不 收 ， 為 阿 菲 設 計 旗 袍 ， 盡 顯 阿 菲 的 東 方 美 。

被 讚 可 愛
一 向 對 自 己 形 象 嚴 謹 的 阿 菲 ， 為 配 合 劇 中 扮 演 時 裝 設 計 師 Kawaii 的 可 愛 性 格 ， 樂 於 不 斷 以 新 造 型 現 身 ， 連 工 作 人 員 對 阿 菲 的 不 停 「 變 身 」 亦 大 感 有 趣 ， 更 稱 讚 阿 菲 好 Kawaii （ 日 語 ： 可 愛 ） ， 不 過 阿 菲 就 不 以 為 然 ， 自 感 和 平 日 無 異 。 阿 菲 表 示 ： 「 可 能 我 講 日 文 唔 正 ， 所 以 人 先 叫 我 Kawaii 。 」

各 具 特 色
之 前 阿 菲 就 分 別 嘗 試 了 五 個 新 造 型 ， 包 括 ： Colourful Look ， 阿 菲 穿 上 色 彩 斑 斕 的 Hysterico 牛 仔 裙 ， 第 二 個 是 單 車 Look ， 阿 菲 揹 住 Ortlieb 透 視 大 背 囊 ， 戴 上 頭 盔 手 套 踩 單 車 ， 第 三 個 是 送 拉 的 外 賣 妹 Look ， 第 四 個 是 有 型 的 開 槍 Look ， 第 五 個 是 侍 應 Look ， 各 具 特 色 。

阿 菲 在 日 本 已 逗 留 了 達 兩 個 月 之 久 ， 雖 然 拍 攝 工 作 不 算 辛 苦 ， 但 「 思 家 」 之 情 難 免 ， 阿 菲 謂 ： 「 拍 戲 唔 算 太 辛 苦 ， 因 為 檔 期 唔 係 好 密 ， 我 都 想 返 屋 企 ， 屋 企 係 最 舒 服 ， （ 竇 靖 童 有 冇 日 本 探 你 呀 ？ ） 有 ， 一 次 囉 ， 我 已 經 Shopping 到 無 地 方 可 以 Shopping 啦 。 」

評 價 甚 高
阿 菲 首 次 嘗 試 唱 日 劇 主 題 曲 ， 外 界 對 她 評 價 不 錯 ， 她 說 ： 「 我 都 唔 知 ， 人 話 我 唱 得 似 日 本 人 喎 ， 我 覺 得 唱 歌 比 講 日 文 容 易 ， 因 為 唱 歌 可 以 跟 Melody 。 」

「 我 係 歌 手 又 係 劇 中 演 員 ， 我 覺 得 由 我 唱 主 題 曲 係 好 順 理 成 章 事 ， 至 於 收 視 ， 我 就 唔 敢 期 望 ， 同 期 有 好 多 劇 集 拍 緊 ， 我 又 唔 知 觀 眾 口 味 。 （ 有 冇 親 熱 戲 呀 ？ ） 初 頭 都 想 加 『 親 熱 戲 』 ， 但 拍 到 而 家 以 搞 笑 為 主 ， 笑 中 有 淚 ， 就 算 有 都 係 輕 描 淡 寫 。 」

東方日報