23-07-00 拖新男伴參加RaveParty，王菲公然偷食?

前晚一大班本地明星著晒校服參加Rave Party。Rave Party中不少藝人煙照煲酒照劈，盡顯真性情，更有女舞蹈員在籠中狂舞。一班靚女明星紮住辮仔著起校服之後即刻變成引人犯罪既青春學生妹。靚女咁搞法，不禁令人諗起許冠傑一首「咸封年」咁耐既舊歌：「三張幾野，紮起辮仔，青春美麗，就冇失禮。」首歌同前晚的情景可說係絕配。

當晚王菲不但止扮學生妹，更帶左個哥哥仔到場，十足十好似回到情竇初開時。雖然王菲有左小霆鋒，但仍然不避嫌，大大方方拉個哥哥仔四圍行，更不時你眼望我眼有講有笑。如果阿菲唔係一早同霆鋒拖手遊街示愛，外人一定會認為呢個哥哥仔係阿菲第二春。不過話時話難道阿菲唔驚霆鋒呷醋嗎？其實答案只有兩個：一就係兩人情比金堅，大家互相信任，二就係兩人熱情減退，王菲獨自偷歡。但上一舖離開個負心人竇唯時，阿菲就低調到飛起，而且心情低落，反觀今次阿菲就開開心心，擺明車馬咁拉個哥哥仔出來，睇唻王菲都係陪朋友出來尋開心成份居多，除非佢一早就預左同霆鋒玩玩下啦。講左咁耐究竟個哥哥仔係何方神聖呢？據知此人同黎明一樣來自北京，廿零歲仔，正值盛年。

RaveParty搞得有聲友色，班藝人亦玩得好High，但佢地咁搞法就令到教育界和宗教界人仕非常不滿。教育專業人員協會會長張文光及浸信會朱耀明牧師齊齊發炮狂轟話呢個Rave Party意識低賤，侮辱學校同宗教。

<CYBER 日報>