阿菲近排剪了個Punk Punk地的髮型，原來為配合新碟的形象。日前阿菲接受電台訪問時，透露正忙於籌備新碟，形象會有Punk味。問到她在樂壇地位高，會否覺得有壓力時，阿菲覺得冇乜特別大壓力，亦冇諗過退休，總之一切順其自然。
陳慧琳(Kelly)日前替新城娛樂台錄廣播劇《愛才是力量》，在劇中她飾演一名財經新聞之花，錄劇時成日要講好多財經術語，懶係專業咁，但事實上Kelly對財經一竅不通，完全冇興趣，所以錄音時佢覺得有D困難。此外，在劇中仲會做張學友的女朋友，是一個事業與愛情並重的人。
Kelly說：「其實我都覺得工作同愛情都係同樣重要，不過我唔會結婚後就坐在家做師奶，成日留在家冇進步的，我一定要工作架！」事實上Kelly一向給人的感覺是事業心重的人，當年她和初戀男友鬧分手，她仍堅持繼續工作，不過現在Kelly懂得找平衡點，和男友感情十分穩定。
編輯中心：全世界都係跟紅頂白，王菲呢排在日本氣勢比Kelly勁，成為Excite代言人亦是好自然的事。
