王 菲 上 周 六 在 寧 波 舉 行 一 場 演 唱 會 ， 個 唱 前 一 日 召 開 記 者 會 ， 接 受 國 內 傳 媒 訪 問 。

對 感 情 問 題 不 避 忌
在 記 者 會 上 ， 有 記 者 問 到 王 菲 的 感 情 問 題 ： 「 你 有 首 舊 歌 《 執 迷 不 悔 》 係 代 表 你 感 情 生 活 ， 依 家 睇 法 有 冇 改 變 呀 ？ 」 王 菲 大 方 地 答 ： 「 執 迷 不 悔 係 我 以 前 睇 法 ， 但 隨 住 年 紀 大 想 法 亦 有 變 ， 依 家 我 對 感 情 做 到 不 悔 ， 但 唔 會 執 迷 。 」 言 下 之 意 ， 王 菲 對 於 她 和 謝 霆 鋒 的 姊 弟 戀 ， 雖 然 備 受 外 間 抨 擊 ， 但 她 一 點 也 不 後 悔 ， 亦 不 認 為 自 己 對 這 段 受 人 非 議 的 感 情 太 執 ， 只 是 隨 心 而 為 。

福 星 駕 到 天 公 停 雨

此 外 ， 王 菲 在 寧 波 的 演 唱 會 之 前 受 風 暴 影 響 ， 幾 乎 要 取 消 ， 幸 好 王 菲 抵 當 日 ， 颱 風 已 過 ， 但 卻 連 場 大 雨 ， 點 知 翌 日 下 午 王 菲 到 場 地 綵 排 ， 一 去 到 已 經 停 雨 ， 直 至 個 唱 完 結 才 再 落 雨 ， 認 真 神 奇 ， 難 怪 連 當 地 傳 媒 都 說 ： 「 王 菲 係 福 星 ， 連 上 天 都 為 佢 開 騷 而 停 雨 。 」

王 菲 舉 行 個 唱 的 場 地 可 容 納 四 萬 觀 眾 ， 但 場 外 則 有 一 萬 觀 眾 企 街 睇 免 費 騷 ， 大 家 都 當 王 菲 的 個 唱 為 打 風 後 的 餘 興 節 目 ， 甚 至 連 公 安 都 呼 朋 喚 友 睇 王 菲 ， 搞 到 現 場 不 停 加 ， 「 安 歌 」 時 觀 眾 仲 不 斷 掟 螢 光 棒 上 台 ， 表 示 好 鍾 意 呢 個 騷 ， 令 工 作 人 員 十 分 擔 心 螢 光 棒 會 插 到 王 菲 雙 眼 ， 好 在 有 驚 無 險 ， 王 菲 開 心 說 ： 「 好 多 謝 觀 眾 ， 連 天 都 幫 我 ， 令 到 大 家 可 以 睇 得 咁 開 心 。 」

<東方日報>